திருச்சியில் உதயநிதி ஸ்டாலின் இன்று தேர்தல் பிரசாரம்

திருச்சி,

திருச்சி மாவட்டத்தில் தி.மு.க. மற்றும் அதன் கூட்டணி வேட்பாளர்களை ஆதரித்து பிரசாரம் செய்வதற்காக தி.மு.க. இளைஞரணி செயலாளரும், திருவல்லிகேணி- சேப்பாக்கம் சட்டமன்ற உறுப்பினருமான உதயநிதி ஸ்டாலின் இன்று (புதன் கிழமை) திருச்சி மாவட்டம் வருகிறார். 

மதியம் 1 மணியளவில் பெட்டவாய்தலையில் தி.மு.க சார்பில் அவருக்கு வரவேற்பு அளிக்கப்படுகிறது. அதனை தொடர்ந்து திருச்சி மாவட்டத்தில் நகர்ப்புற உள்ளாட்சி தேர்தலில் போட்டியிடும் தி.மு.க. மற்றும் கூட்டணி கட்சி வேட்பாளர்களை ஆதரித்து மாலை 4 மணியளவில் மண்ணச்சநல்லூர் எதுமலை பிரிவு ரோடு அருகிலும், மாலை 5 மணியளவில் உறையூர் குறத்தெரு அருகிலும், மாலை 5.30 மணியளவில் மரக்கடை பகுதியிலும், மாலை 6.30 மணியளவில் காட்டூரிலும், இரவு 7 மணியளவில் துவாக்குடியிலும் பிரசாரம் மேற்கொள்ள உள்ளார்.