<
வைகை, பல்லவன் எக்ஸ்பிரஸ் ரெயில் சேவையில் மாற்றம் - தெற்கு ரெயில்வே அறிவிப்பு
பராமரிப்பு பணி காரணமாக வைகை, பல்லவன் எக்ஸ்பிரஸ் ரெயில் சேவையில் மாற்றம் செய்யப்படுள்ளதாக தெற்கு ரெயில்வே அறிவித்துள்ளது.
சென்னை,
தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டிருப்பதாவது:-
பராமரிப்பு பணி காரணமாக கீழ்க்கண்ட எக்ஸ்பிரஸ் ரெயில் சேவைகளில் மாற்றம் செய்யப்பட்டுள்ளது.
* காரைக்குடியில் இருந்து காலை 5.05 மணிக்கு சென்னை எழும்பூர் நோக்கி புறப்படும் பல்லவன் எக்ஸ்பிரஸ் (வண்டி எண்:12606) நாளை (புதன்கிழமை) செங்கல்பட்டு-எழும்பூர் இடையே பகுதியாக ரத்து செய்யப்படுகிறது.
* எழும்பூரில் இருந்து மதியம் 1.40 மணிக்கு மதுரை நோக்கி புறப்படும் வைகை எக்ஸ்பிரஸ் (12635) நாளை எழும்பூர்-செங்கல்பட்டு இடையே பகுதியாக ரத்து செய்யப்படுகிறது. இந்த ரெயில் செங்கல்பட்டில் இருந்து மதியம் 2.40 மணிக்கு புறப்படும்.
* விஜயவாடாவில் இருந்து காலை 6.10 மணிக்கு சென்னை எம்.ஜி.ஆர் சென்டிரல் நோக்கி புறப்படும் பினாக்கினி எக்ஸ்பிரஸ் (12711) வருகிற 22-ந்தேதி கூடூர்-எம்.ஜி.ஆர் சென்டிரல் இடையே பகுதியாக ரத்து செய்யப்படுகிறது.
* எம்.ஜி.ஆர் சென்டிரலில் இருந்து மதியம் 2.10 மணிக்கு விஜயவாடாவை நோக்கி புறப்படும் பினாக்கினி எக்ஸ்பிரஸ் (12712) வருகிற 22-ந்தேதி எம்.ஜி.ஆர் சென்டிரல்-கூடூர் இடையே பகுதியாக ரத்து செய்யப்படுகிறது. இந்த ரெயில் கூடூரில் இருந்து மாலை 4.20 மணிக்கு புறப்படும்.
* ஐதராபாத்தில் இருந்து மாலை 6 மணிக்கு தாம்பரம் நோக்கி புறப்படும் சார்மினார் எக்ஸ்பிரஸ் (12760) வருகிற 26-ந்தேதி சென்னை கடற்கரை வரை மட்டுமே இயக்கப்படும்.
இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
