<
குரூப்-1 முதன்மைத் தேர்வுக்கான ஹால்டிக்கெட் வெளியீடு!
அடுத்த மாதம் நடைபெறவுள்ள டி.என்.பி.எஸ்.சி குரூப்-1 முதன்மைத் தேர்வுக்கான ஹால்டிக்கெட்டை தேர்வாணையம் இணையதளத்தில் வெளியிட்டுள்ளது.
சென்னை,
தமிழ்நாடு அரசுப்பணியாளர் தேர்வாணையத்தின்(டி.என்.பி.எஸ்.சி.) ஒருங்கிணைந்த குடிமைப்பணிகளில் அடங்கிய தொகுதி-1(குரூப்-1) பணிகளுக்கான முதன்மைத் தேர்வு அடுத்த மாதம் (மார்ச்) 4, 5, 6-ந்தேதிகளில் சென்னையில் உள்ள தேர்வு மையங்களில் மட்டும் நடத்தப்பட உள்ளது.
தேர்வு எழுத அனுமதிக்கப்பட்ட விண்ணப்பதாரர்களின் தேர்வுக்கூட நுழைவுச்சீட்டுகள்(ஹால்டிக்கெட்) www.tnpsc.gov.in , www.tnpscexams.in என்ற தேர்வாணையத்தின் இணையதளங்களில் பதிவேற்றம் செய்யப்பட்டுள்ளன.
விண்ணப்பதார்கள் தங்களுடைய ஒருமுறை பதிவேற்றம் மூலமாக மட்டுமே விண்ணப்ப எண் மற்றும் பிறந்த தேதியை உள்ளீடு செய்து ஹால்டிக்கெட்டை பதிவிறக்கம் செய்ய முடியும் என தேர்வாணையம் சார்பில் தெரிவிக்கப்பட்டுள்ளது.
மேலும், இன்று முதல் டி.என்.பி.எஸ்.சி. தொகுதி- 2 (குரூப்-2) க்கான விண்ணப்பம் தொடங்கவுள்ளது. இதற்கு அடுத்த மாதம் 23ந்தேதி வரை விண்ணப்பிக்கலாம் எனவும் இதற்கான முதல்நிலை தேர்வு, மே மாதம் 21ம் தேதி நடக்கும் எனவும் தேர்வாணையம் தெரிவித்துள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
