<
காதலிக்க மறுத்த மாணவியை கத்தியால் குத்திய வாலிபர்...!
காதலிக்க மறுத்த மாணவியை கத்தியால் குத்திய வாலிபரை போலீசார் வலைவீசி தேடி வருகின்றனர்.
நெமிலி,
ராணிப்பேட்டை மாவட்டம் காவேரிப்பாக்கம் அருகே உள்ள உத்திரம்பட்டைச் சேர்ந்த 21 வயது மாணவி தனியார் கல்லூரியில் 3-ம் ஆண்டு படித்து வருகிறார்.
இவரை அதே பகுதியை சேர்ந்த நித்தீஷ் குமார் (24) என்பவர் காதலித்து வந்துள்ளார்.
மாணவி வீட்டிலிருந்து கல்லூரிக்கு போகும்போதும் திரும்பி வரும்போதும் வழிமறித்து காதலிக்குமாறு நித்தீஷ் குமார் வற்புறுத்தி வந்துள்ளார். ஆனால் மாணவி மறுத்து வந்ததாக கூறப்படுகிறது .
இந்நிலையில் நேற்று மாலை நித்தீஷ்குமார் தனது நண்பர்களுடன் சேர்ந்து மது அருந்தி உள்ளனர். அப்போது அங்கு வந்த மாணவியை மடக்கிய நித்தீஷ் குமார், தன்னை காதலிக்க கூறி வாக்குவாதத்தில் ஈடுபட்டு உள்ளார்.
இதற்கு மறுப்பு தெரிவித்து அங்குகிருந்து அவர் சென்றுள்ளார். இதனால் ஆத்திரம் அடைந்த நித்தீஷ்குமார் தான் மறைத்து வைத்திருந்த கத்தியால் மாணவியின் கழுத்தை அறுத்தும், பல இடங்களில் குத்தியும் காயப்படுத்தி உள்ளார். பின்னர், நித்தீஷ்குமார் அங்கிருந்து தப்பியோடிவிட்டார்.
அதில் படுகாயமடைந்த மாணவி ஆபத்தான நிலையில் வாலாஜா அரசு மருத்துவமனையில் சிகிச்சைபெற்று வருகிறார். இதுகுறித்து அறிந்த காவேரிப்பாக்கம் போலீஸார் வழக்குபதிவு செய்து தலைமறைவான நித்தீஷ்குமாரை வலைவீசி தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
