<
கால்நடை வளர்ப்போருக்கு 75 சதவீத மானிய விலையில் தீவனம்
கால்நடை வளர்ப்போருக்கு 75 சதவீத மானிய விலையில் தீவனம் வழங்கும் திட்டத்தை முதல்-அமைச்சர் ரங்கசாமி தொடங்கி வைத்தார்
கால்நடை வளர்ப்போருக்கு 75 சதவீத மானிய விலையில் தீவனம் வழங்கும் திட்டத்தை முதல்-அமைச்சர் ரங்கசாமி தொடங்கி வைத்தார்.
மானிய விலையில் தீவனம்
புதுவையில் கால்நடை வளர்ப்போருக்கு கடந்த காலங்களில் மானிய விலையில் தீவனம் வழங்கப்பட்டு வந்தது. ஆனால் பல்வேறு காரணங்களால் அந்த திட்டம் நிறுத்தப்பட்டது.
இந்தநிலையில் தற்போது மீண்டும் மானிய விலையில் தீவனம் வழங்கும் திட்டத்தை தொடர முடிவு செய்யப்பட்டது. அதன்படி புதுவை அரசு கால்நடை பராமரிப்பு மற்றும் கால்நடை நலத்துறை மூலம் சண்முகாபுரம் மத்திய சமையல்கூட வளாகத்தில் இந்த திட்டம் இன்று தொடங்கி வைக்கப்பட்டது.
ரங்கசாமி தொடங்கி வைத்தார்
நிகழ்ச்சிக்கு அமைச்சர் தேனீ.ஜெயக்குமார் தலைமை தாங்கினார். முதல்-அமைச்சர் ரங்கசாமி கலந்துகொண்டு மாடு வளர்ப்போருக்கு கால்நடை தீவனங்களை வழங்கி திட்டத்தை தொடங்கி வைத்தார்.
அரசு கொறடா ஏ.கே.டி.ஆறுமுகம் எம்.எல்.ஏ., கே.எஸ்.பி.ரமேஷ் எம்.எல்.ஏ., கால்நடை நலத்துறை இயக்குனர் செல்வராஜ், இணை இயக்குனர் அன்புக்கரசு, தட்டாஞ்சாவடி காவல்நடை மருந்தக கால்நடை மருத்துவர் மோகன் ஆகியோர் கலந்துகொண்டனர்.
75 சதவீத மானியம்
இந்த திட்டத்தின்படி 75 சதவீத மானியத்தில் கால்நடை தீவனம் வழங்கப்படுகிறது. நடப்பாண்டில், இப்போது பிப்ரவரி மற்றும் மார்ச் மாதங்களுக்கான தீவனம் வழங்கப்படுகிறது.
இதில் ரூ.1 கோடியே 27 லட்சத்து 87 ஆயிரம் மதிப்பில் 615 டன் கால்நடை தீவனம் 4 ஆயிரத்து 100 கால்நடைகளுக்கு வழங்கப்பட உள்ளது. இதன்படி 3 ஆயிரத்து 32 பொதுப்பிரிவினரும், 1,068 அட்டவணை பிரிவினரும் பயனடைவர்.
மேலும் ரூ.22 லட்சத்து 3 ஆயிரம் மதிப்பில் 104.40 டன் கன்று தீவனம் 696 கன்றுகளுக்கு வழங்கப்பட உள்ளது. இதில் 486 பொதுப்பிரிவினரும், 210 அட்டவணை பிரிவினரும் பயனடைவார்கள் என்பது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
