31-ந் தேதி முதல் கன்னியாகுமரி-புனே இடையே சிறப்பு ரெயில் - தெற்கு ரெயில்வே அறிவிப்பு

திருவனந்தபுரம்,

திருவனந்தபுரம் கோட்டம் தெற்கு ரெயில்வே தலைமை அலுவலகம் வெளியிட்டுள்ள செய்திக்குறிப்பில் கூறப்பட்டிருப்பதாவது:-

வருகிற 31-ந் தேதி முதல் கன்னியாகுமரி-புனே ரெயில் (எண்: 16382) இயக்கப்படுகிறது. தினசரி காலை 8.25 மணிக்கு கன்னியாகுமரியில் இருந்து புறப்பட்டு மறுநாள் இரவு 10.20 மணிக்கு புனே சென்றடையும். மறு மார்க்கமாக புனேயில் இருந்து ஏப்ரல் 1-ந்தேதி முதல், தினசரி இரவு 11.50 மணிக்கு புறப்படும் சிறப்பு எக்ஸ்பிரஸ் ரெயில் (எண்:16381) 3-ந் தேதி மதியம் 12.30 மணிக்கு கன்னியாகுமரி வந்து சேரும். 

இந்த ரெயில்களுக்கு இரணியல், குழித்துறை, பாறசாலை, நெய்யாற்றின்கரை, திருவனந்தபுரம் சந்திப்பு, சிரையின்கீழ், கடைக்காவூர், வர்க்கலை சிவகிரி, பரவூர், கொல்லம், கருணாகப்பள்ளி, காயங்குளம், மாவேலிக்கரை, செங்கன்னூர், திருவல்லா, சங்கனாச்சேரி, கோட்டயம், எர்ணாகுளம் டவுண், ஆலுவா, அங்கமாலி, சாலக்குடி, இரிஞ்ஞாலக்குடா, திருச்சூர், வடக்காஞ்சேரி.

ஒற்றப்பாலம், பாலக்காடு சந்திப்பு, போத்தனூர், கோயம்புத்தூர், திருப்பூர், ஈரோடு, சேலம், பொம்மிடி, சோலார்பேட்டை, காட்பாடி, பகலா சந்திப்பு, திருப்பதி, ரேணுகுண்டா, கொடுரு, கடப்பா, ஏருகுண்டலா, தடிப்பற்றி, கூட்டி, குண்டக்கல் சந்திப்பு, அதேனி, மந்திராலயம் ரோடு, ரெய்சூர், யாட்கிர், கலாபுராகி, சோலாப்பூர் சந்திப்பு, குருதுவாடி மற்றும் டாண்ட் சந்திப்பு ஆகிய நிலையங்களில் நின்று செல்லும். இந்த ரெயிலில் 2 வது வகுப்பு படுக்கை வசதி கொண்ட பெட்டிகள், 5 ஏ.சி பெட்டிகள், முன்பதிவில்லா இருக்கை வசதி கொண்ட 2 பெட்டிகள் உள்பட 16 பெட்டிகளுடன் இயக்கப்படும். 

இவ்வாறு அதில் கூறப்பட்டு உள்ளது.