<
மாணவர்களுக்கு கஞ்சா விற்ற 3 வாலிபர்கள் கைது
தவளக்குப்பம் அருகே மாணவர்களுக்கு கஞ்சா விற்ற 3 வாலிபர்களை போலீசார் கைது செய்தனர்.
தவளக்குப்பம் அருகே மாணவர்களுக்கு கஞ்சா விற்ற 3 வாலிபர்களை போலீசார் கைது செய்தனர்.
போலீசார் தீவிர கண்காணிப்பு
தவளக்குப்பம் போலீஸ் நிலையத்துக்கு உட்பட்ட அபிஷேகப்பாக்கம், நல்லவாடு, தவளக்குப்பம், பூரணங்குப்பம், அண்ணா நகர், என்.ஆர்.நகர் உள்ளிட்ட பல்வேறு பகுதிகளில் மாணவர்களை குறிவைத்து கஞ்சா விற்பனை செய்யப்படுகிறது. இதுபற்றி அரியாங்குப்பம் போலீஸ் இன்ஸ்பெக்டர் முத்துக்குமாருக்கு ரகசிய தகவல் கிடைத்தது.
அதன்பேரில் தவளக்குப்பம் போலீசார் மேற்கண்ட இடங்களில் தவிர கண்காணிப்பில் ஈடுபட்டனர். நல்லவாடு சுடுகாடு பாதையில் சந்தேகப்படும்படியாக 3 பேர் நின்று கொண்டிருந்தனர். அவர்களை மடக்கி பிடித்து போலீஸ் நிலையம் அழைத்து வந்து தீவிர விசாரணை நடத்தினர். விசாரணையில் 3 பேரும் கஞ்சா பொட்டலங்களை மறைத்து வைத்து வியாபாரம் செய்தது தெரியவந்தது.
3 பேர் சிறையில் அடைப்பு
விசாரணையில் அபிஷேகப்பாக்கம் கெங்கையம்மன் கோவில் தெரு, புது நகரை சேர்ந்த ரோகித் (வயது 20), நல்லவாடு கிராமத்தைச் சேர்ந்த ரஜினிஸ்ரீதர் ( 29), சீமன் (18) என்பது தெரியவந்தது. அவர்களிடம் இருந்து 252 கிராம் கஞ்சா பொட்டலங்களை போலீசார் பறிமுதல் செய்தனர்.
பின்னர் அவர்களை கைது செய்து காலாப்பட்டு மத்திய சிறையில் அடைத்தனர். தொடர்ந்து சிறப்பு படை கஞ்சா மொத்த விற்பனையாளர் யார் என்று தீவிர விசாரணை நடத்தி வருகின்றனர். தவளக்குப்பம் பகுதியில் கஞ்சா விற்பனை செய்வதால் மாணவர்களின் பெற்றோர் கவலை அடைந்துள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
