<
தாம்பரத்தில் போலீசார் நடத்திய அதிரடி வேட்டை - 18 ரவுடிகள் சிக்கினர்
தாம்பரம் கமிஷனர் அலுவலக எல்லைக்குட்பட்ட பகுதிகளில் நடைபெற்ற வாகன சோதனையில் தலைமறைவு குற்றவாளிகள், ரவுடிகள் உள்ளிட்ட பலர் பிடிபட்டனர்.
தாம்பரம்:
தாம்பரம் போலீஸ் எல்லைக்குட்பட்ட பகுதிகளில் குற்றச்செயல்களை தடுக்க போலீஸ் கமிஷனர் ரவி அதிரடி நடவடிக்கைகளை மேற்கொண்டு வருகிறார். அந்த வகையில் நேற்று இரவு முதல் இன்று காலை வரையில் தாம்பரம் கமிஷனர் அலுவலக எல்லைக்குட்பட்ட பகுதிகளில் விடிய விடிய வாகன சோதனை நடை பெற்றது.
இதில் தலைமறைவாக இருந்த குற்றவாளிகள், ரவுடிகள் உள்ளிட்டோர் பிடிபட்டனர். போலீசார் நடத்திய இந்த அதிரடி வேட்டையில் 18 ரவுடிகள் பிடிபட்டனர்.
மேலும் முன் எச்சரிக்கை நடவடிக்கையாக 103 பேர் பிடிபட்டனர். 107, 109, 110 குற்றவியல் நடை முறை சட்டத்தின் கீழும் சுமார் 100 குற்றவாளிகளிடம் எழுதி வாங்கப்பட்டுள்ளது.
இந்த சோதனையின் போது கார், மோட்டார் சைக்கிள் உள்பட அனைத்து வாகனங்களையும் போலீசார் சோதனை செய்தனர். மொத்தம் 1733 வாகனங்கள் சோதனைக்குட்படுத்தப்பட்டதில் விதிமுறைகளை மீறிய பலரும் பிடிபட்டனர்.
இதில் மது போதையில் வாகனத்தை ஓட்டியவர்கள், ஆவணங்கள் இன்றி சென்றவர்கள் உள்ளிட்டோர் பிடிபட்டனர். மேலும் அப்பகுதியில் உள்ள 95 லாட்ஜ்களிலும் சோதனை நடத்தப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
