<
நெல்லை: பாளையங்கோட்டை பஸ் நிலையத்தில் நாட்டு வெடிகுண்டு வீச்சு - 2 வாலிபர்கள் கைது...!
பாளையங்கோட்டை பஸ் நிலையத்தில் நாட்டு வெடிகுண்டு வீசிய 2 வாலிபர்களை போலீசார் கைது செய்தனர்.
நெல்லை,
நெல்லை மாவட்டம் பாளையங்கோட்டையில் ஸ்மார்ட் சிட்டி திட்டத்தின் கீழ் புதிதாக கட்டப்பட்டுள்ள பேருந்து நிலையத்தில் நேற்று இரவு பயங்கர வெடிச்சத்தம் கேட்டுள்ளது. இது குறித்து பேருந்து நிலைய அதிகாரி போலீசாருக்கு தகவல் அளித்தார்.
இதையடுத்து அங்கு துணை ஆணையர் சுரேஷ்குமார் தலைமையில் போலீசார் விரைந்து சென்று விசாரணை மேற்கொண்டனர். பேருந்து நிலையத்தின் கீழ் தளத்திற்கு செல்லும் வழியில் உள்ள சுவரில் நாட்டு வெடிகுண்டு வீசப்பட்டுள்ளதை அறிந்த அவர்கள் தடயங்களை சேகரித்ததுடன், அருகே கடைகளில் உள்ள கண்காணிப்பு கேமராக்களை ஆய்வு செய்தனர்.
இரவு நேரம் என்பதால் பயணிகள் யாரும் அங்கு இல்லை, மேலும் கடைகள் அடைக்கப்பட்டிருந்ததால் யாருக்கும் பாதிப்பு ஏற்படவில்லை. வெடிகுண்டு வீசிய நபர் குறித்து போலீசார் தீவிர விசாரணை நடத்தி வந்தனர்.
இந்த நிலையில் நாட்டு வெடி குண்டடுகளை வீசியது தொடர்பாக கிருஷ்ணன் மற்றும் சுடலை என 2️ இளைஞர்களை போலீசார் கைது செய்தனர். பின்னர், அவர்களிடம் போலீசார் நடத்திய விசாரணை பல தகவல்கள் வெளிவந்து உள்ளது.
இது தொடர்பாக போலீசார் கூறுகையில்,
பாளையங்கோட்டை பஸ் நிலைய வளாகத்தில் நாட்டு வெடிகுண்டு வீசிய 2 இளைஞர்களும் அங்குள்ள ஒரு டீ கடையில் வேலை செய்து வருகிறார்கள்.
நேற்று பாளையங்கோட்டையில் நடந்த கோவில் திருவிழாவில் வெடிக்காத பட்டாசுகளை எடுத்து, இவர்கள் 2 பேரும் போதையில் நாட்டு வெடிகுண்டு தயார் செய்து வீசி பார்த்து உள்ளனர். அப்போது அந்த வெடிகுண்டு பயங்கர சத்தத்துடன் வெடித்து உள்ளது. இவ்வாறு அவர்கள் தெரிவித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
