தியேட்டரில் தகராறு செய்த 3 பேர் கைது

திருபுவனை அருகே மதகடிப்பட்டு பாளையத்தை சேர்ந்தவர் கண்ணன் (வயது 55). இவர் திருக்கனூரில் உள்ள ஒரு சினிமா தியேட்டரில்  கேண்டீன் நடத்தி வருகிறார். சம்பவத்தன்று இரவு காட்சி இடைவேளையின்போது திருக்கனூர் அருகே தமிழக பகுதியான சித்தலம்பட்டு காலனியைச் சேர்ந்த ஆசிக் (19), சூர்யா (25),  பன்னீர்செல்வம் (21) ஆகியோர் கேண்டீனில் ஐஸ்கிரீம் வாங்கி சாப்பிட்டனர்.

அப்போது ஐஸ்கிரீமுக்கு பணம் கொடுக்கும்படி கண்ணன் கேட்டார். அதற்கு அவர்கள், எங்களிடமே பணம் கேட்கிறாயா? எனக்கூறி கொலை மிரட்டல் விடுத்துச் சென்றனர். இது குறித்து திருக்கனூர் போலீசில் கண்ணன்  அளித்த புகாரின்பேரில் சப்-இன்ஸ்பெக்டர் புனிதராஜ் மற்றும் போலீசார் வழக்குப்பதிவு செய்து ஆசிக் உள்பட 3 பேரையும் கைது செய்தனர்.