<
7 பேரை விடுதலை செய்வதற்கான கோப்பில் கவர்னர் உடனடியாக கையெழுத்திட வேண்டும் - டாக்டர் ராமதாஸ்
7 தமிழர்களையும் விடுதலை செய்வதற்கான கோப்பில் கவர்னர் உடனடியாக கையெழுத்திட வேண்டும் என்று பாமக நிறுவனர் டாக்டர் ராமதாஸ் தெரிவித்துள்ளார்.
சென்னை,
பாமக நிறுவனர் டாக்டர் ராமதாஸ் வெளியிட்டுள்ள டுவிட்டர் பதிவில் கூறப்பட்டிருப்பதாவது:-
பேரறிவாளன் வழக்கை விசாரித்து வரும் உச்ச நீதிமன்றம், 7 தமிழர் விடுதலை குறித்த தமிழக அமைச்சரவையின் பரிந்துரையை ஏற்காததற்காக தமிழக கவர்னர் மாளிகையை கடுமையாக விமர்சித்திருக்கிறது. கவர்னரின் நிலை கூட்டாட்சி தத்துவத்திற்கு எதிரானது என்று கண்டித்திருக்கிறது.
உச்ச நீதிமன்றம் இப்படி விமர்சிக்கும் நிலையை தமிழக கவர்னர் மாளிகை ஏற்படுத்தியிருக்கக்கூடாது. 7 தமிழர் விடுதலை குறித்து கவர்னர் மாளிகை முன்கூட்டியே முடிவெடுத்திருக்க வேண்டும். கவர்னர் 4 நாட்களில் சரியான பதிலளிக்கவில்லை என்றால் பேரறிவாளனை உச்ச நீதிமன்றமே விடுதலை செய்யக்கூடும்.
பேரறிவாளனை உச்ச நீதிமன்றம் விடுதலை செய்தால் அது கவர்னர் மாளிகைக்கு அவப்பெயர் தேடித்தரும். அந்த நிலையைத் தவிர்த்து கவர்னர் மாளிகையின் மாண்பை காக்க பேரறிவாளன் உள்ளிட்ட 7 தமிழர்களையும் விடுதலை செய்வதற்கான கோப்பில் கவர்னர் உடனடியாக கையெழுத்திட வேண்டும்.
இவ்வாறு ராமதாஸ் கூறியுள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
