<
ஈரோடு: வளைவில் திரும்பும் போது லாரி கவிழ்ந்து விபத்து - டிரைவர் காயம்..!
ஈரோடு அருகே வளைவில் திரும்பும் போது லாரி கவிழ்ந்து விபத்துக்கு உள்ளானது.
ஈரோடு:
கர்நாடகத்தில் இருந்து ஒரு லாரி 19 டன் கொப்பரை தேங்காய்களை ஏற்றிக்கொண்டு திருப்பூர் மாவட்டம் காங்கேயம் நோக்கி நேற்று இரவு சென்று கொண்டிருந்தது.
லாரியை சத்தியமங்கலத்தை சேர்ந்த துரைசாமி (வயது 62) என்பவர் ஓட்டி சென்றார். லாரி சென்னிமலையில் உள்ள வடக்கு ராஜ வழியாக கிழக்கு ராஜ வீதிக்கு வளைவில் திரும்பும்போது எதிர்பாராதவிதமாக கவிழ்ந்தது. இதனால் லாரியில் இருந்த கொப்பரை தேங்காய் மூட்டைகள் சிதறியது.
இந்த விபத்தில் லாரி டிரைவர் துரைசாமி லேசான காயங்களுடன் உயிர் தப்பினார். லாரி விழுந்த இடத்தின் சில அடி தூரத்தில் தான் பங்குனி தேர் நிறுத்தப்பட்டுள்ளது.
நல்லவேளையாக பங்குனி தேர் தப்பியது. கடந்த 3 மாதங்களுக்கு முன்பு இதேபோல் ஒரு லாரி தேரை உரசியபடி கவிழ்ந்ததால் தேர் கொட்டகை சேதமடைந்தது. இதுவரை இந்த இடத்தில் 10-க்கும் மேற்பட்ட லாரிகள் கவிழ்ந்துள்ளது. வளைவில் திரும்புவதற்கு முன் லாரியின் வேகத்தை குறைப்பதற்காக சென்னிமலை போலீஸ் ஸ்டேஷன் முன்பு தடுப்பு வைக்கப்பட்டுள்ளது.
ஆனால் அதையும் மீறி லாரிகள் வேகமாக வந்து வளைவில் திரும்பும் போது கவிழ்ந்து விடுவது வாடிக்கையாக இருந்து வருகிறது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
