<
ரேஷன்கடைகளுக்கான வாடகையை வழங்கக்கோரி குடிமைப்பொருள் வழங்கல்துறை அலுவலகத்தை பாப்ஸ்கோ ஊழியர்கள் முற்றுகை
ரேஷன்கடைகளுக்கான வாடகையை வழங்கக்கோரி குடிமைப்பொருள் வழங்கல்துறை அலுவலகத்தை பாப்ஸ்கோ ஊழியர்கள் முற்றுகையிட்டு போராட்டத்தில் ஈடுபட்டனர்.
புதுச்சேரி
ரேஷன்கடைகளுக்கான வாடகையை வழங்கக்கோரி குடிமைப்பொருள் வழங்கல்துறை அலுவலகத்தை பாப்ஸ்கோ ஊழியர்கள் முற்றுகையிட்டு போராட்டத்தில் ஈடுபட்டனர்.
முற்றுகை
பாப்ஸ்கோ மூலம் நடத்தப்படும் ரேஷன்கடைகளுக்கான வாடகையை வழங்கவேண்டும், பொங்கல் பஜார், இலவச அரிசி வினியோகம் செய்தது ஆகியவற்றுக்கு குடிமைப்பொருள் வழங்கல்துறை வழங்கவேண்டிய நிதியை வழங்க வேண்டும் என்ற கோரிக்கையை வலியுறுத்தி பாப்ஸ்கோ ஊழியர்கள் சங்கத்தினர் தொடர் போராட்டங்களை நடத்தி வருகின்றனர்.
அவர்கள் குடிமைப்பொருள் வழங்கல்துறை அலுவலகத்தை திடீரென முற்றுகையிட்டனர். அலுவலக வளாகத்தில் தரையில் அமர்ந்து போராட்டத்தில் ஈடுபட்டனர்.
பேச்சுவார்த்தை
இந்த போராட்டத்துக்கு ஏ.ஐ.டி.யு.சி. பாப்ஸ்கோ ஊழியர் நலச்சங்க கவுரவ தலைவர் சேதுசெல்வம் தலைமை தாங்கினார். செயல் தலைவர் அபிசேகம், ஏ.ஐ.டி.யு.சி. தலைவர் தினேஷ் பொன்னையா, பாப்ஸ்கோ ஊழியர் சங்க தலைவர் ரமேஷ், செயலாளர் நாராயணசாமி, பொருளாளர் அமுதவல்லி உள்பட பலர் கலந்துகொண்டனர்.
ஊழியர்களின் போராட்டம் காரணமாக அங்கு பணிகள் கடுமையாக பாதிக்கப்பட்டன. இதைத்தொடர்ந்து போராட்டம் நடத்தியவர்களுடன் இயக்குனர் சக்திவேல் பேச்சுவார்த்தை நடத்தினார். அடுத்த வாரத்துக்குள் நிதியை வழங்க நடவடிக்கை எடுப்பதாக அவர் உறுதியளித்தார். இதைத்தொடர்ந்து போராட்டத்தில் ஈடுபட்டவர்கள் அங்கிருந்து கலைந்து சென்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
