கல்லூரி பஸ் மரத்தில் மோதி 26 மாணவிகள் படுகாயம்

சாத்தூர்,

விருதுநகர் மாவட்டம் சாத்தூர் தாலுகா கரிசல்குளம் உள்ளிட்ட பகுதியில் இருந்து 60 மாணவிகள், சாத்தூரில் உள்ள ஒரு தனியார் கல்லூரிக்கு, அந்த கல்லூரியின் பஸ்சில் சென்று வருகின்றனர்.

வழக்கம்போல் நேற்று காலையில் அந்த கல்லூரி பஸ்சில் மாணவிகள் பயணம் செய்தனர். பஸ்சை திருவேங்கடம் பகுதியை சேர்ந்த கணபதி (வயது 63) ஓட்டினார்.

சாத்தூர் அருகே ஒ.மேட்டுப்பட்டி பகுதியில் அந்த பஸ் வந்தபோது, திடீரென கட்டுப்பாட்டை இழந்து ஓடி, சாலை ஓரத்தில் இருந்த மரத்தின் மீது மோதியது. இதில் பஸ்சின் முன்பகுதி நொறுங்கியது.

26 மாணவிகள் படுகாயம்

மேலும் இந்த விபத்தில் பஸ்சில் இருந்த 26 மாணவிகள் படுகாயம் அடைந்தனர். அவர்கள் சிகிச்சைக்காக அரசு ஆஸ்பத்திரி மற்றும் தனியார் ஆஸ்பத்திரிகளில் சிகிச்சைக்காக அனுமதிக்கப்பட்டனர். இதில் படுகாயமடைந்த 9 மாணவிகளுக்கு முதலுதவி சிகிச்சைக்கு பின் மேல்சிகிச்சைக்காக விருதுநகர் அரசு ஆஸ்பத்திரியில் சேர்க்கப்பட்டனர்.