கோவில்பட்டியில் 22-ந் தேதி மின்தடை ஏற்படும் பகுதிகள்

கோவில்பட்டி:

கோவில்பட்டி கோட்டத்தில் இன்று (சனிக்கிழமை) மாதாந்திர பராமரிப்பு பணிகளுக்காக கோவில்பட்டி, சிட்கோ, கழுகுமலை, எப்போதும் வென்றான், விஜயாபுரி, எம். துரைசாமி புரம், செட்டிகுறிச்சி, சன்னது புதுக்குடி ஆகிய உப மின் நிலையங்களில் இருந்து மின்வினியோகம் செய்யப்படும் பகுதிகளுக்கு மின்தடை அறிவிக்கப்பட்டிருந்தது. ஆனால் இன்று டி.என்.பி.எஸ்.சி. குரூப்-1 தேர்வு நடைபெறுவதால் மேற்கண்ட உபமின்நிலையங்களில் நடைபெற இருந்த மாதாந்திர பராமரிப்பு பணிகள் வருகிற 22-ந் தேதிக்கு (செவ்வாய்க்கிழமை) மாற்றப்பட்டுள்ளது. எனவே, மேற்கண்ட பகுதிகளில் அன்று காலை 8 மணி முதல் மாலை 5 மணி வரை மின்தடை செய்யப்படும் என்று மின்வாரிய செயற் பொறியாளர் மு.சகர்பான் தெரிவித்துள்ளார்.