போலீஸ் வாகனத்துக்கு தீ வைத்தவர் உள்பட 3 பேர் கைது

கள்ளக்குறிச்சி

சின்னசேலம் அருகே உள்ள கனியாமூர் சக்தி மெட்ரிக் மேல்நிலைப் பள்ளியில் கடந்த மாதம் 17-ந் தேதி நடந்த கலவரம் குறித்து சிறப்பு புலனாய்வு பிரிவு போலீசார் விசாரணை நடத்தி சம்பந்தப்பட்ட நபர்களை கைது செய்து வருகிறார்கள்.

இந்த நிலையில் வீடியோ ஆதாரத்தின் அடிப்படையில் சின்னசேலம் தாலுகா வடக்கனந்தலை சேர்ந்த நாராயணன் மகன் பிரபு(வயது 37), அக்கராய பாளையத்தை சேர்ந்த சிவலிங்கம் மகன் மாயவன்(29) மற்றும் போலீஸ் பஸ்சை தீ வைத்து எரித்த மூங்கில்பாடி கிராமத்தை சேர்ந்த தங்கவேல் மகன் திருஞானம்(42) ஆகிய 3 பேரை சிறப்பு புலனாய்வு போலீசார் கைது செய்து சிறையில் அடைத்தனர்.