சாராயம்-கள் விற்ற 3 பேர் கைது

ஆலங்குடி மதுவிலக்கு போலீசாருக்கு கிடைத்த ரகசிய தகவலின் பேரில் ஆலங்குடி பகுதிக்கு உட்பட்ட பல்வேறு இடங்களில் சோதனையில் ஈடுபட்டனர். அப்போது தஞ்சாவூர் மாவட்டம் பட்டுக்கோட்டை தாலுகா இடையாத்தி தெற்கு தெருவை சேர்ந்த முத்துக்குமார் மனைவி சித்ரா (வயது 32) புதுப்பட்டியில் ஒரு வயலில் 35 லிட்டர் கள் விற்றுக்கொண்டிருந்தார். இதையடுத்து அவரை போலீசார் கைது செய்தனர்.

இதேபோல் கள் விற்றுக்கொண்டிருந்த மணமேல்குடி வடகூரை சேர்ந்த ராஜா மனைவி இளையராணி (42) என்பவரையும் போலீசார் கைது செய்தனர்.

இதேபோல் கறம்பக்குடி அருகே எரிச்சாராயம் விற்ற மழையூர் வெள்ளாளவிடுதியை சேர்ந்த குயவர்தெருவை சேர்ந்த மாணிக்கம் மகன் முத்தையா என்கிற சின்னத்துரை (37) என்பவரை போலீசார் கைது செய்தனர். அவரிடமிருந்து 35 லிட்டர் எரிச்சாராயம் பறிமுதல் செய்து விசாரணை நடத்தி வருகின்றனர்.