டிரைவரை தாக்கிய 4 பேர் கைது

ராணிப்பேட்டை மாவட்டம் ஆற்காடு ஜெகநாதன் தெருவை சேர்ந்த தமிழரசன் (வயது 54) என்பவரின் மகன்கள் மோகன் (29), ஆனந்த் (27), அசோக் (25) இவர்களுக்கும் அதே பகுதியைச் சேர்ந்த டிரைவர் கணேஷ் என்பவருக்கும் முன் விரோதம் இருந்துள்ளது.

இந்த நிலையில் நேற்று முன்தினம் இரவு தமிழரசன் மற்றும் அவரது மகன்களுக்கும் கணேசுக்கும் வாய் தகராறு ஏற்பட்டது. இதில் தகராறு முற்றி நான்கு பேரும் சேர்ந்து கணேசை சரமாரியாக தாக்கி உள்ளனர். இதில் படுகாயம் அடைந்த அவர் வேலூர் அரசு மருத்துவமனையில் சேர்க்கப்பட்டு சிகிச்சை பெற்று வருகிறார்.

இதுகுறித்த புகாரின் பேரில் ஆற்காடு டவுன் போலீசார் வழக்குப்பதிவு செய்து தமிழரசன், அவரது மகன்கள் மோகன், ஆனந்த், அசோக் ஆகிய 4 பேரை கைது செய்து விசாரணை நடத்தி வருகின்றனர்.