உப்பாற்றில் கார் கவிழ்ந்து 4 பேர் காயம்

சமயபுரம்:

திருச்சி அரியமங்கலம் பாரதியார் தெருவை சேர்ந்தவர் பார்த்திபன்(வயது 78). இவர் தனது குடும்பத்தினரான ரங்கநாதன்(60), பிரபாகரன்(48), கரிகாலன்(36) ஆகியோருடன் நேற்று காலை விழுப்புரம் பகுதியில் உள்ள அவர்களது குலதெய்வம் கோவிலுக்கு சாமி கும்பிடுவதற்காக ஒரு காரில் ெசன்றார். காரை கரிகாலன் ஓட்டினார். திருச்சி -சென்னை தேசிய நெடுஞ்சாலையில் சமயபுரம் அருகே உள்ள உப்பாற்று பாலத்தில் சென்றபோது டிரைவரின் கட்டுப்பாட்டை இழந்த கார் உப்பாற்றில் தலைகுப்புற கவிழ்ந்தது.இதில் கரிகாலன் உள்ளிட்ட 4 பேருக்கும் லேசான காயம் ஏற்பட்டது. இது பற்றி அறிந்து அங்கு வந்த சமயபுரம் போலீசார் காயமடைந்த 4 பேரையும் மீட்டு இருங்களூரில் உள்ள ஒரு தனியார் மருத்துவக் கல்லூரி மருத்துவமனைக்கு சிகிச்சைக்காக அனுப்பி வைத்தனர். மேலும் சம்பவ இடத்திற்கு கிரேன் வரவழைக்கப்பட்டு உப்பாற்றில் கவிழ்ந்து கிடந்த காரை மேலே கொண்டு வந்தனர். இதுகுறித்து வழக்குப்பதிவு செய்த சமயபுரம் போலீசார் விசாரணை நடத்தி வருகின்றனர்.