மது விற்ற 4 பேர் சிக்கினர்

வீரபாண்டி போலீஸ் சப்-இன்ஸ்பெக்டர் கோகுல கண்ணன் தலைமையில் போலீசார் ரோந்து பணியில் ஈடுபட்டனர். அப்போது அந்த பகுதியில் 4 பேர் நின்று கொண்டிருந்தனர். அவர்களை போலீசார் சந்தேகத்தின்பேரில் பிடித்து சோதனை செய்தனர். அதில் அவர்களிடம் 33 மது பாட்டில்கள் இருந்தது. அதனை பறிமுதல் செய்த போலீசார் விசாரணை நடத்தினர்.

விசாரணையில் அவர்கள் மாணிக்காபுரத்தை சேர்ந்த முத்து, கூழையனூரை சேர்ந்த கருப்பையா, போடேந்திரபுரத்தை சேர்ந்த மாசிலாமணி (வயது 38), கோட்டூரை சேர்ந்த குமார் (23) என்பதும், மது விற்றதும் தெரியவந்தது. இதையடுத்து அவர்களை போலீசார் கைது செய்தனர்.