திருச்சி மாவட்டத்தில் 17 பதவிகளுக்கு 40 பேர் மனுதாக்கல்

ஊரக உள்ளாட்சி இடைத்தேர்தலில் திருச்சி மாவட்டத்தில் உள்ள 17 பதவிகளுக்கு 40 பேர் மனுத்தாக்கல் செய்துள்ளனர்.

ஊரக உள்ளாட்சி இடைத்தேர்தல்

திருச்சி மாவட்ட ஊரக உள்ளாட்சி அமைப்புகளில் கடந்த ஏப்ரல் மாதம் 30-ந் தேதி வரை காலியாக உள்ள கிராம ஊராட்சி தலைவர், வார்டு உறுப்பினர்கள் உள்ளிட்ட 17 பதவிகளுக்கு வருகிற 9-ந் தேதி இடைத்தேர்தல் நடக்கிறது. இதற்கான வேட்பு மனுதாக்கல் கடந்த 20-ந் தேதி தொடங்கியது. மனுதாக்கல் நேற்றுடன் முடிவடைந்தது. இன்று (செவ்வாய்க்கிழமை) வேட்பு மனுக்கள் பரிசீலனை நடக்கிறது. 30-ந் தேதி வேட்பு மனுக்கள் வாபஸ் பெறப்படும். ஜூலை 12-ந் தேதி வாக்கு எண்ணிக்கை நடத்தப்படுகிறது.

திருச்சி மாவட்டத்தில் மொத்தமுள்ள 17 பதவியிடங்களில் துறையூர் ஒன்றிய கவுன்சிலருக்கு 7 பேரும், மருங்காபுரி ஒன்றியம் பளுவஞ்சி ஊராட்சி தலைவருக்கு 4 பேரும், லால்குடி சாத்தமங்கலம் ஊராட்சி தலைவருக்கு 2 பேரும், அந்தநல்லூர் ஒன்றியம் அல்லூர் வார்டு உறுப்பினருக்கு 4 பேரும், திருவெறும்பூர் ஒன்றியம் பனையக்குறிச்சி வார்டு உறுப்பினருக்கு ஒருவரும், மணப்பாறை ஒன்றியத்தில் எப்.கீழையூர் வார்டு உறுப்பினருக்கு ஒருவரும், புத்தாநத்தம் வார்டு உறுப்பினருக்கு 3 பேரும், லால்குடி ஒன்றியம் அரியூர் வார்டு உறுப்பினருக்கு 2 பேரும், புள்ளம்பாடி ஒன்றியம் நெய்குளம் வார்டு உறுப்பினருக்கு ஒருவரும் மனுத்தாக்கல் செய்துள்ளனர்.

40 பேர் மனுதாக்கல்

இதேபோல் மண்ணச்சநல்லூர் ஒன்றியம் தீராம்பாளையம்-2வது வார்டு உறுப்பினருக்கு 2 பேரும், தீராம்பாளையம்-3வது வார்டு உறுப்பினருக்கு 2 பேரும், தீராம்பாளையம்-5 வது வார்டு உறுப்பினருக்கு 2 பேரும், தீராம்பாளையம்-6 வது வார்டு உறுப்பினருக்கு 3 பேரும், தீராம்பாளையம்-8வது வார்டு உறுப்பினருக்கு 2 பேரும், தொட்டியம் பிடாரமங்கலம் வார்டு உறுப்பினருக்கு ஒருவரும், தா.பேட்டை சிட்டலரை வார்டு உறுப்பினருக்கு 2 பேரும், துறையூர் ஒன்றியம் கொட்டையூர் வார்டு உறுப்பினருக்கு ஒருவரும் என 17 பதவிகளுக்கு மொத்தம் 40 பேர் மனுத்தாக்கல் செய்துள்ளனர்.