தமிழ்நாட்டில் மேலும் 5 பேருக்கு கொரோனா பாதிப்பு

சென்னை,

தமிழ்நாட்டில் கொரோனா பாதிப்பு தொடர்ந்து பதிவாகிய வண்ணம் இருக்கிறது. இன்று ஒரே நாளில் 5 பேர் கொரோனா பாதிப்புக்கு உள்ளாகியிருக்கிறார்கள். இதில், 4 பெண்கள் மற்றும் ஒரு ஆண் அடங்குவார்கள். சென்னையில் 3 பேருக்கும், செங்கல்பட்டு மற்றும் கோவையில் தலா ஒருவருக்கும் தொற்று பாதிப்பு ஏற்பட்டுள்ளது. அதே சமயத்தில் 35 மாவட்டங்களில் பாதிப்பு ஏற்படவில்லை.

இதேபோல தமிழ்நாட்டில் கடந்த சில நாட்களை போன்று உயிரிழப்பு எதுவும் இல்லை. மாநிலத்தில், கொரோனா பாதிப்பு காரணமாக சிகிச்சை பெற்று வந்த 9 பேர் இன்று வீடு திரும்பியுள்ளனர். தமிழ்நாட்டில் இன்றைய நிலவரப்படி 49 பேர் சிகிச்சையில் இருக்கிறார்கள்.