5 தொழிற்சங்கங்கள் ஆர்ப்பாட்டம்

ஓசூர்:-

ஓசூரில் மே தினத்தையொட்டி கான்சாய் நெரோலாக் தொழிலாளர் சங்கம் உள்ளிட்ட 5 தொழிற்சங்கங்களின் சார்பில் நேற்று ஊர்வலம், ஆர்ப்பாட்டம் நடைபெற்றது. ஓசூர் தாலுகா அலுவலகம் அருகில் இருந்து ஊர்வலம் தொடங்கியது. ஊர்வலத்தை தொழிற்சங்க நிர்வாகி ராதா தொடங்கி வைத்தார். ஊர்வலமானது நகரின் முக்கிய வீதிகளின் வழியாக சென்று ராம்நகர் அண்ணா சிலை அருகில் நடந்தது. பின்னர் அங்கு பல்வேறு கோரிக்கைகளை வலியுறுத்தி ஆர்ப்பாட்டம் நடந்தது. முனியப்பன் தலைமை தாங்கினார். பல்வேறு தொழிற்சங்கங்களை சேர்ந்த நிர்வாகிகள் சந்திரசேகர், சக்திவேல், காளிங்கன், மாதேஷ், வனவேந்தன், குமணன் ஆகியோர் பேசினர். முடிவில், பாபு நன்றி கூறினார்.