தமிழ்நாட்டில் புதிதாக 519 பேருக்கு கொரோனா பாதிப்பு

சென்னை,

தமிழ்நாட்டில் கடந்த சில நாட்களாக கொரோனா பாதிப்பு படிப்படியாக அதிகரித்து வருகிறது. இதன்படி தமிழகத்தில் இன்று ஒருநாள் கொரோனா பாதிப்பு 519 ஆக உள்ளது.

இதுதொடர்பாக மக்கள் நல்வாழ்வுத்துறை வெளியிட்டுள்ள செய்திக்குறிப்பில், "மாநிலத்தில் இன்று ஒரே நாளில் 519 பேர் கொரோனா பாதிப்பு அடைந்து உள்ளனர். இதில் 250 ஆண்கள் மற்றும் 269 பெண்கள் அடங்குவார்கள்.

அதிகபட்சமாக சென்னையில் 104 பேருக்கும்,கோவையில் 72 பேருக்கும், செங்கல்பட்டில் 35 பேருக்கும் மற்றும் வெளிநாட்டு பயணிகள் 2 பேர் உள்பட மொத்தம் 35 மாவட்டங்களில் பாதிப்பு கண்டறியப்பட்டுள்ளது.

கொரோனா பாதிப்பில் இருந்து இன்று 502 பேர் குணம் அடைந்தனர். சிகிச்சை பெறுவோரின் எண்ணிக்கை 3 ஆயிரத்து 676 ஆக உள்ளது. இந்த நிலையில் இன்று நாமக்கல்லில் ஒருவர் கொரோனாவுக்கு பலியாகியுள்ளார்" என்று அதில் தெரிவிக்கப்பட்டுள்ளது.