மது விற்ற 52 பேர் கைது

நெல்லை மாவட்டத்தில் சட்டவிரோதமாக மதுபாட்டில்கள் விற்பனையில் ஈடுபடுவோர் மீது கடும் நடவடிக்கை எடுக்க மாவட்ட போலீஸ் சூப்பிரண்டு சரவணன் உத்தரவிட்டுள்ளார். இதையொட்டி கடந்த 2-ந் தேதி முதல் நேற்று முன்தினம் வரை போலீசார் சோதனை மற்றும் கண்காணிப்பு பணியை தீவிரப்படுத்தி இருந்தனர். அப்போது மது விற்பனையில் ஈடுபட்ட 52 பேரை போலீசார் கைது செய்தனர். அவர்களிடம் இருந்து விற்பனைக்காக வைத்திருந்த 749 மதுபாட்டில்கள் பறிமுதல் செய்யப்பட்டன.