தமிழ்நாட்டில் இன்று மேலும் 527 பேருக்கு கொரோனா பாதிப்பு

சென்னை,

தமிழ்நாட்டில் கடந்த சில நாட்களாக கொரோனா பாதிப்பு அதிகரித்து வருகிறது. இதன்படி தமிழகத்தில் இன்று ஒருநாள் கொரோனா பாதிப்பு 527 ஆக அதிகரித்துள்ளது.

இதுதொடர்பாக மக்கள் நல்வாழ்வுத்துறை வெளியிட்டுள்ள செய்திக்குறிப்பில், "மாநிலத்தில் இன்று ஒரே நாளில் 527 பேர் கொரோனா தொற்றால் பாதிக்கப்பட்டுள்ளனர். இதில் ஆண்கள் 302 பேர், பெண்கள்225 பேர் அடங்குவர். அதிகபட்சமாக சென்னையில் 130 பேருக்கும், கோவையில் 65 பேருக்கும், கன்னியாகுமரியில் 37 பேருக்கும் மற்றும் வெளிநாட்டு பயணிகள் 6 பேர் உள்பட மொத்தம் 37 மாவட்டங்களில் பாதிப்பு கண்டறியப்பட்டுள்ளது.

கொரோனா பாதிப்பில் இருந்து இன்று 401 பேர் குணம் அடைந்தனர். சிகிச்சை பெறுவோரின் எண்ணிக்கை 3 ஆயிரத்து 455 ஆக உள்ளது. இந்த நிலையில் கிருஷ்ணகிரியில் இன்று ஒருவர் கொரோனாவுக்கு பலியாகியுள்ளார்" என்று அதில் தெரிவிக்கப்பட்டுள்ளது.