சூதாடிய 6 பேர் கைது

தட்டார்மடம்:

சாத்தான்குளம் போலீஸ் இன்ஸ்பெக்டர் பாஸ்கரன் தலைமையில் சப்-இன்ஸ்பெக்டர் எபநேசர் மற்றும் போலீசார் ரோந்து பணியில் ஈடுபட்டனர். அப்போது சாத்தான்குளம் அருகே ஆலங்கிணறு கல்லறை பகுதியில் அமர்ந்திருந்த 6 பேர் போலீசாரை கண்டதும் தப்பி ஓட முயன்றனர். அவர்களை போலீசார் மடக்கி பிடித்து விசாரணை நடத்தினர்.

விசாரணையில், நெல்லை அழகப்பபுரம் பகுதியைச் சேர்ந்த ராஜ் மகன் மாடசாமி (வயது 40), மாடசாமி மகன் பாலகிருஷ்ணன் (38), திசையன்விளை கீரைக்கார தெருவை சேர்ந்த இசக்கிபாண்டி மகன் சுடலைகண்ணு (எ) துரை (32), திசையன்விளை உறுமன்குளம் பகுதியைச் சேர்ந்த மாடசாமி மகன் இசக்கிமுத்து (38), நெல்லை மாதன்குளம் பகுதியைச் சேர்ந்த ராஜகோபால் (50), கீரைக்காரன்தட்டு பகுதியைச் சேர்ந்த இசக்கி மகன் சுடலைக்கண்ணு (35) ஆகியோர் என்பதும், பணம் வைத்து சூதாடியதும் தெரியவந்தது. இதையடுத்து 6 பேரையும் போலீசார் கைது செய்தனர். மேலும் அவர்களிடம் இருந்து சீட்டு கட்டுகளையும், ரூ.7,600 ரொக்க பணத்தையும் பறிமுதல் செய்தனர்.