சூதாடிய 6 பேர் கைது

சாத்தூர்,

சாத்தூர் அருகே படந்தால் பகுதியில் பணம் வைத்து சீட்டு விளையாடுவதாக சாத்தூர் நகர் போலீசாருக்கு ரகசிய தகவல் கிடைத்தது. அதன்படி சாத்தூர் நகர் சப்-இன்ஸ்பெக்டர்கள் பாண்டியன் மற்றும் அப்துல்காதர் ஆகியோர் ரோந்து பணியில் ஈடுபட்டனர். அப்போது படந்தால் சுடுகாட்டுப்பகுதியில் சூதாடிக்கொண்டு இருந்த சத்தியமூர்த்தி (வயது 52), கருத்தப்பாண்டி (53), பொன்ராஜ் (49), இதேபோன்று சக்தி மாரியம்மன் கோவில் அருகில் சீட்டு விளையாடிக் கொண்டிருந்த பாலமுருகன் (30), சுந்தர் (52), கருப்பசாமி (37) ஆகிய 6 பேரையும் போலீசார் கைது செய்து அவர்களிடம் இருந்து ரூ.1,800 மற்றும் சீட்டுக்கட்டுகளையும் பறிமுதல் செய்தனர்.