ஆம்னி பஸ் மீது கார் மோதி கோர விபத்து : 11 வயது சிறுமி உள்பட 6 பேர் உயிரிழப்பு

சேலம் ,

சேலம்,ஆத்தூர் அருகே ஓட்டம்பாறை பகுதியில் தனியார் ஆம்னி பஸ் மீது ஆம்னி கார் மீதி பயங்கர விபத்து ஏற்பட்டது.துலுக்கனூர் புறவழிச்சாலையில் கார் சென்ற போது சேலத்தில் இருந்து சென்னை நோக்கி சென்ற பஸ் மோதியது.இந்த விபத்தில் ஆம்னி காரில் பயணித்த ஒரே குடும்பத்தைச் சேர்ந்த 4 பெண்கள் உள்பட 6 பேர் பரிதாபமாக உயிரிழந்தனர்.

ஆம்னி காரில் பயணித்த ஆத்தூரை சேர்ந்த ராஜேஷ்,சந்தியா,சரண்யா,ரம்யா ,சுகன்யா ,தன்ஷிகா (11) ஆகியோர் உயிரிழந்தனர்.விபத்தில் பலத்த காயம் அடைந்த மேலும் 6 பேர் மேல் சிகிச்சைக்காக சேலம் மருத்துத்துவமனைக்கு அனுப்பி வைக்கப்பட்டுள்ளனர்.

இதுகுறித்து தகவல் அறிந்த போலீசார் சம்பவ இடத்துக்கு விரைந்தனர். இறந்தவர்களின் உடல்களை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.மேலும் இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.