மோட்டார் சைக்கிள் மோதிய விபத்தில் 6 வயது சிறுவன் பலி...!

aமணவாளக்குறிச்சி,

குமரி மாவட்டம் மணவாளக்குறிச்சி அருகே அம்மாண்டிவிளை பொட்டல்குழியை சேர்ந்தவர் சகாய வால்டர்(வயது43). மணவாளக்குறிச்சி அருகே ஸ்டுடியோவில் போட்டோ கிராபராக வேலை பார்த்து வருகிறார். இவரது குழந்தை டஸ்கின் ஜோந்த்(6). அப்பகுதியில் ஒரு பள்ளியில் 1ம் வகுப்பு படித்து வந்தான்.

சம்பவத்தன்று மாலை பள்ளி முடிந்து வீட்டுக்கு வந்த டஸ்கின் ஜோந்த் வீட்டு முன் நின்று கொண்டிருந்தான். அப்போது திடீரென வீட்டு முன் உள்ள சாலையை கடக்க முயற்சித்தபோது அம்மாண்டிவிளையிலிருந்து திருநயினார்க்குறிச்சி நோக்கி சென்ற மோட்டார் சைக்கிள் எதிர்ப்பாராமல் டஸ்கின் ஜோந்த் மீது மோதியது.

இதில் படுகாயமடைந்த சிறுவன் டஸ்கின் ஜோந்த நாகர்கோவிலில் உள்ள ஒரு தனியார் மருத்துவமனையில் சிகிச்சை பெற்றுவந்தார்.

மருத்துவமனையில் தீவிர சிகிச்சை பெற்றுவந்த சிறுவன் இன்று சிகிச்சை பலனின்றி பரிதாபமாக உயிரிழந்தார். இது குறித்து தந்தை சகாய வால்டர் கொடுத்த புகாரின் பேரில் மணவாளக்குறிச்சி போலீசார் சிறுவன் மீது மோட்டார் சைக்கிளால் மோதிய கிரோஷியோ என்பவர் மீது வழக்குப்பதிவு செய்து விசாரணை நடத்தி வருகின்றனர்.