ரூ.7¾ லட்சம் கடத்தல் தங்கம் பறிமுதல்

துபாயில் இருந்து திருச்சி விமான நிலையத்துக்கு நேற்று காலை ஒரு விமானம் வந்தது. இந்த விமானத்தில் வந்த பயணிகளை சுங்கத்துறை அதிகாரிகள் சோதனை செய்தனர். அப்போது சந்தேகம் படும் வகையில் இருந்த பயணி ஒருவரை தனியாக அழைத்து விசாரணை நடத்தியதில் அவர் முன்னுக்குப்பின் முரணாக பதில் அளித்தார். இதனையடுத்து அவரை சோதனை செய்ததில் உள்ளாடையில் மறைத்து வைத்து 157 கிராம் தங்கத்தை பேஸ்ட் வடிவில் கடத்தி வந்தது தெரியவந்தது. இதன் மதிப்பு சுமார் ரூ.7¾ லட்சம் ஆகும். இது தொடர்பாக சுங்கத்துறை அதிகாரிகள் தொடர் விசாரணை நடத்தி வருகின்றனர்.