பணம் வைத்து சூதாடிய 9 பேர் கைது

கரூர் மண்மங்கலம் சமத்துவபுரத்தில் உள்ள ஒரு வீட்டில் பணம் வைத்து சூதாட்டம் நடைபெறுவதாக வந்த தகவலின்பேரில் வாங்கல் போலீஸ் சப்-இன்ஸ்பெக்டர் மனோகரன் தலைமையிலான போலீசார் அந்த வீட்டில் நுழைந்து சோதனை நடத்தினர்.

அப்போது அங்கு பணம் வைத்து சூதாடியதாக அதே பகுதியை சேர்ந்த பார்த்திபன் (வயது 29), உதயகுமார் (45), பிரபாகரன் (28), ராம்குமார் (28), சுரேஷ் (35), மணிகண்டன் (37), பிச்சைமுத்து (41), கார்த்திக் (29), ரவி (57) ஆகிய 9 பேரையும் போலீசார் கைது செய்தனர். மேலும் அவர்களிடமிருந்து மொத்தம் ரூ.12 ஆயிரத்து 650-ஐ பறிமுதல் செய்து விசாரணை நடத்தி வருகின்றனர்.