வாலிபரை கத்தியால் குத்திய ஒருவா் மீது வழக்கு

லாலாபேட்டை அருகே உள்ள ஜநூற்று மங்கலம் பகுதியை சேர்ந்தவர் சரண்குமார் (வயது 23). இவர் சம்பவத்தன்று ஐநூற்று மங்கலம் மல்லாங்கோவில் அருகே தனது மாமா பூமிநாதனுடன் பேசிக்கொண்டிருந்தார். அப்போது, குளித்தலையை சேர்ந்த ராம்குமார் (34) என்பவர் அங்கு வந்து பூமிநாதனை தகாத வார்த்தையால் திட்டி தகராறில் ஈடுபட்டார். இதனை சரண்குமார் தட்டிகேட்டுள்ளார். இதில் ஆத்திரமடைந்த ராம்குமார் தான் மறைத்து வைத்திருந்த கத்தியால் சரண்குமாரின் கழுத்தில் குத்தியும், கொலை மிரட்டல் விடுத்தும் அங்கிருந்து தப்பி சென்றார். இதையடுத்து கத்திக்குத்தில் படுகாயம் அடைந்த சரண்குமாரை அங்கிருந்தவர்கள் மீட்டு சிகிச்சைக்காக குளித்தலை அரசு மருத்துவமனைக்கு அனுப்பி வைத்தனர். இந்த சம்பவம் குறித்த புகாரின்பேரில், லாலாபேட்டை போலீசார் ராம்குமார் மீது வழக்குப்பதிந்து விசாரணை நடத்தி வருகின்றனர்.