துப்புரவு பணியாளரை தரக்குறைவாக பேசிய ஊராட்சி தலைவர் மீது வழக்கு

அறந்தாங்கி அருகே காராவயலை சேர்ந்தவர் அலமேலு (வயது 50). இவர் நாகுடி ஊராட்சியில் துப்புரவு பணியாளராக பணிபுரிந்து வருகிறார். இவர், கடந்த 5-ந் தேதி நாகுடி ஊராட்சி தலைவர் சக்திவேலிடம் கடந்த 6 மாதங்களாக சம்பளம் வழங்கவில்லை என்று தெரிவித்து உள்ளார். அதற்கு ஊராட்சி தலைவர் சக்திவேல், அலமேலுவை தரக்குறைவாக பேசியதாக கூறப்படுகிறது. இந்த சம்பவம் குறித்து அலமேலு கொடுத்த புகாரின் பேரில் நாகுடி போலீசார் சக்திவேல் மீது வழக்குப்பதிவு செய்து விசாரணை நடத்தி வருகின்றனர்.