விபத்தில் கல்லூரி மாணவன் பலி

சிவகாசி,

சிவகாசி அருகே விபத்தில் கல்லூரி மாணவன் பரிதாபமாக பலியானார்.

கல்லூரி மாணவன்

சிவகாசியை அடுத்த திருத்தங்கல் கே.கே.நகரை சேர்ந்தவர் அந்தோணிராஜ். இவரது மகன் விக்டர் (வயது 21). இவர் சிவகாசியில் உள்ள ஒரு கல்லூரியில் 2-ம் ஆண்டு படித்து வந்தார். இந்தநிலையில் சம்பவத்தன்று தனது இருசக்கர வாகனத்தில் விக்டர் சிவகாசி-திருத்தங்கல் ரோட்டில் வந்து கொண்டிருந்தார். அப்போது நிலைதடுமாறி இருசக்கர வாகனத்தில் இருந்து கீழே விழுந்ததில் விக்டருக்கு தலையில் காயம் ஏற்பட்டது. உடனே அருகில் இருந்தவர்கள் அவரை மீட்டு சிவகாசி அரசு ஆஸ்பத்திரிக்கு அனுப்பி வைத்தனர். அங்கு முதலுதவி அளிக்கப்பட்டு பின்னர் மேல் சிகிச்சைக்காக மதுரை பெரிய ஆஸ்பத்திரிக்கு அனுப்பி வைத்தனர்.

பரிதாப சாவு

அங்கு சிகிச்சை பலன் அளிக்காமல் பரிதாபமாக அவர் இறந்தார். இந்த விபத்து குறித்து விக்டரின் அண்ணன் வின்சென்ட் சிவகாசி டவுன் போலீசில் புகார் கொடுத்தார்.

அந்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகிறார்கள். கல்லூரி மாணவன் சாலை விபத்தில் இறந்த சம்பவம் உடன் கல்லூரியில் படித்த மாணவர்கள் மத்தியில் பெரும் சோகத்தை ஏற்படுத்தி உள்ளது