மாடு பிடிக்க முயன்ற போது தவறி விழுந்த விவசாயி சாவு

திருக்கோவிலூர்,

திருக்கோவிலூர் அருகே மொகலார் கிராமத்தை சேர்ந்தவர் வீரப்பன் (வயது 65) இவர் செட்டிதாங்கல் கிராமத்தில் நடைபெற்ற சந்தையில் மாடு ஒன்று வாங்கிக்கொண்டு அதனை வீட்டுக்கு ஓட்டிச்சென்றார். சந்தை அருகில் சென்றபோது மாடு திடீரென துள்ளிக் கொண்டு ஓடியது. இதையடுத்து மாட்டை பிடிக்க வீரப்பன் முயன்றார். அப்போது தவறி கீழே விழுந்தார். இதில் பலத்த காயமடைந்த அவர் சிகிச்சைக்காக திருக்கோவிலூர் அரசு மருத்துவமனையில் அனுமதிக்கப்பட்டார். பின்னர் அங்கிருந்து மேல் சிகிச்சைக்காக கள்ளக்குறிச்சி அரசு மருத்துவமனையில் சேர்க்கப்பட்டார். அங்கு சிகிச்சை பலனின்றி வீரப்பன் பரிதாபமாக இறந்தார். இது குறித்த புகாரின் பேரில் திருக்கோவிலூர் போலீஸ் சப்-இன்ஸ்பெக்டர் சிவச்சந்திரன் வழக்குப்பதிவு செய்து விசாரணை நடத்தி வருகின்றார்.