வாய்க்காலில் கட்டிட கழிவுகளை கொட்டியவருக்கு ரூ.1 லட்சம் அபராதம்

விழுப்புரம்

விழுப்புரம் மாவட்டத்தில் வடகிழக்கு பருவமழையையொட்டி வடிகால் வாய்க்கால் தூர்வாரும் பணிகள் நடந்து வருகிறது. விழுப்புரம் நகராட்சி சார்பில் கோலியனூரான் வாய்க்கால் தூர்வாரும் பணி நடந்து வருகிறது. இதில் விழுப்புரம் மேட்டுத்தெரு, ரகீம் லே-அவுட் பகுதியில் உள்ள வடிகால் வாய்க்காலில் கட்டிட கழிவுகளை கொட்டி வாய்க்காலை அடைத்து வைத்திருப்பதாக நகராட்சி நிர்வாகத்திற்கு தகவல் கிடைத்தது.

இதையடுத்து நகராட்சி நகர்நல அலுவலர் பாலசுப்பிரமணியன் தலைமையிலான அதிகாரிகள் அந்த வாய்க்காலில் ஆய்வு மேற்கொண்டனர். அதில், ரகிம் லே-அவுட் பகுதியைச் சேர்ந்த ஒருவர், தனது வீட்டு கட்டிட கழிவுகளை வாய்க்காலில் கொட்டி வைத்திருப்பது தெரியவந்தது. இதனால் வாய்க்காலில் மழைநீர் வழிந்தோட வழியின்றி கட்டிட கழிவுகள் கொட்டிய தனிநபருக்கு ரூ.1 லட்சத்தை அபராதமாக விதித்து அதிகாரிகள் நோட்டீசு வழங்கினர்.