சென்னை மிண்ட் பகுதியில் ஜவுளி கடையில் தீ விபத்து

சென்னை,

சென்னை மிண்ட் பகுதியில் உள்ள ஜவுளி கடையில் தீ விபத்து ஏற்பட்டுள்ளது. தீ விபத்து குறித்து தகவல் அறிந்தததும் 6 தீயணைப்பு வாகனங்களில் வந்த தீ அணைப்பு வீரர்கள் தீயை அணைத்தனர். வளாகத்தில் உள்ள 10க்கும் மேற்பட்ட துணிக் கடைகளில் ஆடைகள் எரிந்து சேதம் ஆனதாக முதல் கட்ட தகவல்கள் கூறுகின்றன.

தீ விபத்துக்கான காரணம் குறித்து போலீசார் விசாரணை நடத்தி வருகின்றனர். சென்னையில் மக்கள் நடமாட்டம் அதிகம் காணப்படும் பகுதியில் ஏற்பட்ட தீ விபத்து அப்பகுதியில் பெரும் பரபரப்பை ஏற்படுத்தியுள்ளது. அதிகாலை நேரத்தில் இந்த தீ விபத்து நடைபெற்றதால் பெரும் அசம்பாவிதம் தவிர்க்கப்பட்டது. முதல் கட்ட விசாரணையில் மின் கசிவு காரணமாக தீ விபத்து ஏற்பட்டு இருக்கலாம் என்று சொல்லப்படுகிறது.