பெண்ணிடம் தங்கச்சங்கிலி பறிப்பு

களக்காடு:

களக்காடு அருகே உள்ள படலையார்குளம் மேலத்தெருவை சேர்ந்தவர் பெருமாள் மனைவி பொன்னம்மாள் (வயது 65). சம்பவத்தன்று இவர் படலையார்குளம் மின்வாரிய அலுவலகம் பஸ் நிறுத்தத்தில் இருந்து களக்காடு சென்ற அரசு டவுன் பஸ்சில் ஏறினார். களக்காட்டிற்கு சென்று பார்த்தபோது அவர் கழுத்தில் அணிந்திருந்த 6 பவுன் தங்கச்சங்கிலி மாயமாகி இருந்தது. பஸ்சில் கூட்ட நெரிசலை பயன்படுத்தி மர்ம நபர்கள், தங்கச்சங்கிலியை பறித்துச்சென்றது தெரியவந்தது. இதுபற்றி களக்காடு போலீசில் புகார் செய்யப்பட்டது. சப்-இன்ஸ்பெக்டர் வேலம்மாள் வழக்குப்பதிவு செய்து விசாரணை நடத்தி மர்ம நபர்களை தேடி வருகிறார்.