தூக்கில் தொங்கிய ஆண் பிணம்

நத்தம் அருேக அழகர் மலைப்பகுதியில் உள்ள ஒரு மரத்தில் ஆண் பிணம் அழுகிய நிலையில் தொங்கியது. இதனால் அந்த பகுதி முழுவதும் துர்நாற்றம் வீசியது. இதுகுறித்து நத்தம் போலீசாருக்கு வனத்துறையினர் தகவல் தெரிவித்தனர். அதன்பேரில் போலீஸ் இன்ஸ்பெக்டர் தங்க முனியசாமி தலைமையிலான போலீசார் சம்பவ இடத்தி்ற்கு விரைந்து சென்றனர். பின்னர் பிணத்தை கைப்பற்றி பிரேத பரிசோதனைக்காக மதுரை அரசு மருத்துவமனைக்கு அனுப்பி வைத்தனர். இறந்தவருக்கு சுமார் 60 வயது இருக்கும் என்று கருதப்படுகிறது. அவர் காக்கி சட்டை அணிந்திருந்தார். ஆனால் அவர் யார்?, எந்த ஊரை சேர்ந்தவர்? என்பது தெரியவில்லை. மேலும் அவர் தற்கொலை செய்து கொண்டாரா? அல்லது கொலை செய்யப்பட்டு மரத்தில் தொங்க விடப்பட்டாரா? என்ற கோணத்தில் போலீசார் விசாரணை நடத்தி வருகின்றனர்.