மோட்டார் சைக்கிளுடன் பள்ளத்தில் விழுந்தவர் சாவு

முசிறியை அடுத்த சேறுகுடி பகுதியை சேர்ந்தவர் சுப்பிரமணியன். இவர் தும்பலத்தில் தனக்கு தெரிந்த நபரை பார்க்க மோட்டார் சைக்கிளில் சென்றார். சூரம்பட்டி சாலையில் வேட்டைச் சாமி காட்டு கோவில் அருகே சென்றபோது, திடீரென்று கட்டுப்பாட்டை இழந்த அவர் மோட்டார் சைக்கிளுடன் சாலையோரத்தில் இருந்த பள்ளத்தில் விழுந்தார். இதில் பலத்த காயம் அடைந்த சுப்பிரமணியன் சிகிச்சைக்காக முசிறி அரசு ஆஸ்பத்திரியில் சேர்க்கப்பட்டார். இந்த நிலையில் நேற்று அவர் சிகிச்சை பலன் இன்றி இறந்தார். இது குறித்த புகாரின் பேரில் முசிறி போலீசார் வழக்குப்பதிவு செய்து விசாரணை நடத்தி வருகின்றனர்.