வீட்டில் கஞ்சா செடி வளர்த்தவர் கைது

கடத்தூர்

கோபியை அடுத்த வினோபா நகரில் உள்ள வீடு ஒன்றில் கஞ்சா செடி வளர்க்கப்படுவதாக கோபி மதுவிலக்கு பிரிவு போலீசாருக்கு ரகசிய தகவல் கிடைத்தது. தகவல் கிடைத்ததும், போலீஸ் இன்ஸ்பெக்டர் கலையரசி, சிறப்பு சப்- இன்ஸ்பெக்டர் கருப்புசாமி மற்றும் போலீசார் சம்பவ இடத்துக்கு விரைந்து சென்று சோதனையில் ஈடுபட்டனர். அப்போது அங்குள்ள ஒரு வீட்டில் கஞ்சா செடி வளர்க்கப்பட்டிருந்ததை கண்டனர். உடனே வீட்டில் இருந்தவரை பிடித்து போலீசார் விசாரணை நடத்தினர். விசாரணையில், 'அவர் ராமன் என்கிற ராம முருகன் (வயது 38),' என தெரியவந்தது. இதைத்தொடர்ந்து ராமனை போலீசார் கைது செய்ததுடன், அவர் வீட்டில் வளர்க்கப்பட்டிருந்த கஞ்சா செடியையும் பறிமுதல் செய்தனர்.