சில்வார்பட்டியில் தமிழக அரசின் சாதனை விளக்க புகைப்பட கண்காட்சி

ரெட்டியார்சத்திரம் ஒன்றியம் சில்வார்பட்டியில் செய்தி மக்கள் தொடர்பு துறை சார்பில், தமிழக அரசின் சாதனை விளக்க புகைப்பட கண்காட்சி நடைபெற்றது. இதில் மக்களை தேடி மருத்துவம், இல்லம் தேடி கல்வி, தனியார் வேலைவாய்ப்பு முகாம், கலைஞரின் வருமுன் காப்போம், சுயஉதவிக்குழுவினருக்கு கூட்டுறவு கடன் தள்ளுபடி, உயர்த்தப்பட்ட மகப்பேறு நிதிஉதவி, கர்ப்பிணி பராமரிப்பு நிதிஉதவி உள்ளிட்ட திட்டங்களை விளக்கும் வகையில் புகைப்படங்கள் இடம்பெற்று இருந்தன.

அதேபோல் ஊரக வளர்ச்சித்துறை அமைச்சர் இ.பெரியசாமி, உணவுத்துறை அமைச்சர் அர.சக்கரபாணி, கலெக்டர் பூங்கொடி ஆகியோர் நலத்திட்ட உதவிகள் வழங்கிய புகைப்படங்கள், வளர்ச்சி பணிகளை ஆய்வு செய்த புகைப்படங்களும் இருந்தன. இதனை ஏராளமான பொதுமக்கள் பார்வையிட்டனர்.