வாகன நிறுத்தத்துக்குள் புகுந்த பாம்பு

போடி வ.உ.சி.நகர் பகுதியில் தனியாருக்கு சொந்தமான வாகன நிறுத்தம் உள்ளது. இங்கு நேற்று காலை பாம்பு ஒன்று புகுந்தது. இதனைக்கண்ட காவலாளி, போடி தீயணைப்பு நிலையத்துக்கு தகவல் தெரிவித்தார். அதன்பேரில் போடி தீயணைப்பு நிலைய அலுவலர் சக்திவேல் தலைமையிலான தீயணைப்பு வீரர்கள் சம்பவ இடத்துக்கு விரைந்தனர். பின்னர் சுமார் ½ மணி நேரம் போராடி அந்த பாம்பை பிடித்தனர். அது, 6 அடி நீளமுள்ள கட்டு விரியன் பாம்பு ஆகும். அந்த பாம்பை, தீயணைப்பு வீரர்கள் வனப்பகுதியில் விட்டனர்.