சேலம் மாநகராட்சியில் இன்று சிறப்பு முகாம்-25 ஆயிரம் பேருக்கு கொரோனா தடுப்பூசி செலுத்த ஏற்பாடு

சேலம் மாநகராட்சி பகுதியில் இன்று (ஞாயிற்றுக்கிழமை) கொரோனா தடுப்பூசி 31-வது சிறப்பு மெகா முகாம் நடைபெறுகிறது. இதில், 200 சிறப்பு குழுக்கள் மூலம் 25 ஆயிரம் பேருக்கு தடுப்பூசி செலுத்த ஏற்பாடு செய்யப்பட்டுள்ளது. 60 வயதுக்கு மேற்பட்ட அனைவருக்கும் இரண்டாவது தவணை தடுப்பூசி செலுத்தி 6 மாதங்கள் நிறைவடைந்து இருந்தால் முன்னெச்சரிக்கை தவணை (பூஸ்டர்) தடுப்பூசி செலுத்தி கொள்ளலாம். முன்களப்பணியாளர்கள் மற்றும் சுகாதார பணியாளர்கள் அனைவரும் இரண்டாவது தவணை தடுப்பூசி செலுத்தி 6 மாதங்கள் நிறைவடைந்திருந்தால் பூஸ்டர் தடுப்பூசி செலுத்தி கொள்ளலாம். அதேநேரத்தில் தனியார் ஆஸ்பத்திரியிலும் பூஸ்டர் தடுப்பூசி செலுத்தி கொள்ளலாம். முன்னெச்சரிக்கை தவணை (பூஸ்டர்) தடுப்பூசி செலுத்த கால அளவு 9 மாதங்களில் இருந்து 6 மாதங்களாக குறைக்கப்பட்டுள்ளது. எனவே, பொதுமக்கள் இன்று நடக்கும் சிறப்பு குழுக்கள் மூலம் கொரோனா தடுப்பூசி செலுத்திக்கொள்ளுமாறு மாநகராட்சி ஆணையாளர் கிறிஸ்துராஜ் கேட்டு கொண்டுள்ளார்.