கிணற்றில் தவறி விழுந்த புள்ளிமான் உயிருடன் மீட்பு

அன்னவாசல் அருகே கீழபளுவஞ்சியை சேர்ந்தவர் சுப்பன். இவருக்கு சொந்தமான கிணற்றில் புள்ளிமான் ஒன்று தவறி விழுந்தது. இதுகுறித்து தகவல் அறிந்த அப்பகுதி பொதுமக்கள் அங்கு திரண்டு வந்தனர். பின்னர் பொதுமக்கள் கயிறு கட்டி கிணற்றில் இறங்கி அந்த புள்ளி மானை உயிருடன் மீட்டு வெளியே கொண்டு வந்தனர். பின்னர் இதுகுறித்து வனத்துறையினருக்கு தகவல் தெரிவிக்கப்பட்டது. தகவலின் பேரில், சம்பவ இடத்திற்கு விரைந்து வந்த வனத்துறையினரிடம், பொதுமக்கள் புள்ளிமானை ஒப்படைத்தனர்.