போலீசாருக்கான பல்பொருள் அங்காடி

ஜோலார்பேட்டை ஒன்றியத்திற்குட்பட்ட பாச்சல் பகுதியில் உள்ள ஆயுதப்படை மைதானத்தில் திருப்பத்தூர் மாவட்ட போலீசாருக்கான பல்பொருள் அங்காடியை டி.ஜி.பி. சைலேந்திரபாபு காணொலி காட்சி வாயிலாக திறந்து வைத்தார். அதைத்தொடர்ந்து மாவட்ட போலீஸ் சூப்பிரண்டு பாலகிருஷ்ணன் ரிப்பன் வெட்டி பல்பொருள் அங்காடியை திறந்துவைத்தார். இதன் மூலம் திருப்பத்தூர் மாவட்டத்தில் பணிபுரியும் ஆயுதப்படை போலீசார், தீயணைப்பு வீரர்கள், ஓய்வு பெற்ற போலீசார் என சுமார் 1800-க்கும் மேற்பட்டோர் பயனடைவார்கள்.

விழாவில் கூடுதல் போலீஸ் சூப்பிரண்டு புஷ்பராஜ், துணை போலீஸ் சூப்பிரண்டு கணேஷ், ஜோலார்பேட்டை போலீஸ் இன்ஸ்பெக்டர் மங்கையர்க்கரசி உள்ளிட்ட போலீசார் கலந்துகொண்டனர்.