விபத்தில் வாலிபர் பலி

சாத்தூர்,

சாத்தூர் தாலுகா சத்திரபட்டியை சேர்ந்தவர் மீனாட்சிசுந்தரம் (வயது 21). இவரது நண்பர் ரமேஷ்ராஜா (21). இவர்கள் 2 பேரும் சாத்தூரில் இருந்து இருசக்கர வாகனத்தில் சிவகாசிக்கு சென்றனர். பின்னர் மீண்டும் அவர்கள் சாத்தூருக்கு வந்து கொண்டிருந்தனர். அப்போது சின்னகாமன்பட்டி அருகே வந்த போது ஒரு பட்டாசு ஆலை பஸ்சின் பின்பக்கம் இரு சக்கர வாகனம் மோதி, பின்னால் வந்த வேனில் மோதியதாக கூறப்படுகிறது. இ்ந்த விபத்தில் சம்பவ இடத்திலேயே மீனாட்சிசுந்தரம் பரிதாபமாக உயிரிழந்தார். படுகாயம் அடைந்த ரமேஷ்ராஜாவிற்கு சாத்தூர் அரசு ஆஸ்பத்திரியில் முதலுதவி சிகிச்சை அளிக்கப்பட்டது. பின்னர் அவர் மேல் சிகிச்சைக்காக சிவகாசி தனியார் ஆஸ்பத்திரியில் அனுமதித்தனர். இந்த விபத்து குறித்து தகவலறிந்த சாத்தூர் நகர் போலீசார் சம்பவ இடத்திற்கு விரைந்து சென்று மீனாட்சிசுந்தரத்தின் உடலை மீட்டு பரிசோதனைகாக சாத்தூர் அரசு மருத்துவமனைக்கு அனுப்பி வைத்தனர். இந்த விபத்து குறித்து போலீசார் தொடர்ந்து விசாரணை நடத்தி வருகின்றனர்.