லாட்டரி சீட்டு விற்ற வாலிபர் கைது

கம்பம் சர்ச் தெரு பகுதியில் லாட்டரி சீட்டுகள் விற்பனை செய்வதாக போலீசாருக்கு தகவல் கிடைத்தது. அதன்பேரில், கம்பம் வடக்கு போலீஸ் சப்-இன்ஸ்பெக்டர் விஜய் ஆனந்த் தலைமையில் போலீசார் அந்த பகுதியில் ரோந்து சென்றனர். அப்போது அங்கு கேரள மாநில லாட்டரி சீட்டுகளை விற்பனை செய்து கொண்டிருந்த, அதே பகுதியை சேர்ந்த லியாகத் அலிகான் (வயது 32) என்பவரை போலீசார் கைது செய்தனர். மேலும் அவரிடம் இருந்து 337 கேரள மாநில லாட்டரி சீட்டுகளை பறிமுதல் செய்தனர்.