தந்தைக்கு கொலை மிரட்டல் விடுத்த வாலிபர் கைது

அரியலூர் மாவட்டம் அயன் ஆத்தூர் காலனி தெருவை சேர்ந்தவர் தனவேல் (வயது 48). இவருடைய மகன் ராஜதுரை (29). நேற்று முன்தினம் தனவேல் வீட்டில் இருந்த போது ராஜதுரை அவரை தகாத வார்த்தைகளால் திட்டி தாக்கியுள்ளார். பின்னர் அவரை உருட்டுக்கட்டையால் தாக்க முயன்றபோது அருகே இருந்தவர்கள் அவரை தடுத்து நிறுத்தினர். பின்னர் ராஜதுரை தனது தந்தைக்கு கொலை மிரட்டல் விடுத்து அங்கிருந்து சென்றார். இந்த சம்பவம் குறித்து தனவேல் அளித்த புகாரின் பேரில் கயர்லாபாத் போலீசார் வழக்குப்பதிவு செய்து ராஜதுரையை கைது செய்தனர்.